Brannvesenet kom
til øving likevel

Brannvesenet hadde fått beskjed om at det skulle vera brannøving i Trallfavegen 2, skulen sitt D-bygg. Men dei sat på den gamle adressa til skulen, og trudde det var alvor då alarmen gjekk i Industrivegen.

Dei kunne eigentleg ikkje delta på øvinga. Det var nasjonal brannvernveke og svært travelt for mannskapet på brannstasjonen på Bryne. Men så kom dei altså likevel…

Utanom denne glippen gjekk det meste som det skulle på dei to øvingane ved skulen denne veka.

– A- og B-bygget vart tømt for folk på to minuttar. Det er bra! Ved D-bygget gjekk det dobbelt så lang tid før alle var ute på oppstillingsplassen i Trallfavegen. Det må bli betre, seier brannvernleiar Hans Dahl Ørstavik.

Sjå reportasjen frå øvinga: (artikkelen held fram under filmen)

Nokre tekniske manglar med ljos og dører som ikkje gjekk att i D-bygget skal Ørstavik ta opp med huseigaren.

Men at Brannvesenet ikke hadde klart å oppdatere adresselista si eit halvt år etter at det nye gatenavnet vart kunngjort, ristar brannvernleiaren på hovudet av.

– Ikkje vanskeleg å sjå kvar det største forbetringspotensialet ligg denne gongen, seier Ørstavik.

Øvinga var ein del av Brannvernveka 2009. Fleire enn 1.900 verksemder over heile landet med i alt 225.000 involverte personer held brannøving denne veka.

Dette skal du gjera om alarmen går:

• Reis deg og gå ut saman med klassen. Ikkje ta med deg PC eller anna materiell.
• Lærar sikrar at aller ute av rommet, går ut og låser døra.
• Gå til oppstillingsplass. A- og B-bygg: P-plassen. C-bygg: P-plass ved Timehallen. D-bygg: P-plass Bryne stadion.

Kamera og redigering: Jan Inge Wiig
Reporter: Tore Kåstad
Tekst: Ståle Madland Schjelderup