Jippi! Rein og kvit snø!

Reinhaldarane ved Time vgs er like glade som einkvar unge for eit nytt lag med kvit snø. Er det nokon som fortener honnør i desse dagar, så er det dei som gjer sit beste for å halda skulen rein. Phayong Dysjeland, Liv Bjørheim Lye og dei andre reinhaldarane har dobbelt opp med arbeid når snøen grånar og vert blanda med salt og sand.

– Med all den skiten som vart drege inn var det ikkje lett å halda det fint og reint til einkvar tid, sukkar dei.

Difor er dei glade for at Vårherre – eller kva malaren no heiter – har forsynt oss med eit andre strok rein og kvit snø.

– Det er som reitn vatn og ikkje noko problem, melder Lye. Ho er nøgd så lenge ho slepp å bruka heile dagen på å fjerna strøsand.

Men også dette laget med kvit Bryne-snø grånar like sikkert som t-skjorta til ein femåring i ein sandkasse.

– Me ber om forståing for at me ikkje maktar å halda den vanlege standarden når det grå slapset tek til att, seier leiaren for reinhaldarane. Ho ber fint om at både lærarar og elever er flinke til å torke av skoene sine når dei kjem rett frå strøsand inn i bygningane.

• Kjem det eit nytt lag med snø? Sjekk her!