Helse- og
sosialfag (HS)

Med utdanning innan helse- og sosialfag er du kvalifisert for mange jobbar innan helse-, sosial- og oppvekstsektoren. Ønskjer du å arbeida med barn og unge eller gi hjelp og omsorg til menneske som har behov for det, skal du velgja helse- og sosialfag.

Utdanninga det første året – VG1 helse- og sosialfag – gir deg grunnleggjande kunnskapar om menneskekroppen sin oppbygning og funksjonar. Samtidig får du ei innføring i sosialfag, førebyggjande helsearbeid, kostlære, hygiene og førstehjelp.

Lytt til reklame for helse og sosial (laget av medieelever ved Time):
Lytt til reklame for helse og sosial

Det andre året i skule – VG2 – kan du velgja mellom fleire tilbod; til dømes helsefagarbeidar og barne- og ungdomsarbeidar.

Som helsefagarbeidar kan du få jobbar med varierte arbeidsoppgåver innan praktisk pleie, omsorg og miljøarbeid i helse- og sosialtenesta. Du kan bli tilsett på sjukehus eller sjukeheim, i heimebaserte tenester i psykisk helsearbeid på alle nivå.

Som barne- og ungdomsarbeidar har du mange og varierte jobbar å velgja mellom.

Du kan arbeida i barnehage, i skulen, i skulefritidsordninga ( SFO), i fritidsklubbar for barn og ungdom og i andre stillingar som har med barne- og ungdomsarbeid å gjera.

Alle jobbar innan dette fagområdet krev ei rekkje eigenskapar som utdanninga tar sikte på å utvikla: Evne til å bry seg, evne til å forstå og leva seg inn i andre sin situasjon, evne til å komma i kontakt med menneske, samarbeidsevne og evne til sjølvstendig arbeid.

Ønskjer du yrkeskompetanse i helse- og sosialfag, går du først to år i vidaregåande skule. Deretter søkjer du lærlingeplass og går opp til fagprøve etter 2 år i lærebedrift. Med fagbrev i handa, kan du kalla deg fagarbeidar!

Dersom du vil studera på universitet eller høgskule, kan du etter to år på helse- og sosialfag, velgja eit påbyggingsår med fellesfag som gir deg generell studiekompetanse. Etter bestått eksamen, kan du søkja høgare utdanning ved universitet og høgskular!

Les meir om helse- og sosialfag på: