Medier og kommunikasjon (MK)

Som medieelev lærer du å kommunisera innan ei rekkje medier: avis, grafisk design, film, radio, TV og på Internett.

Medier og kommunikasjon gir brei bakgrunn for å arbeida innan ulike medier. Du får brukt dei kreative evnene dine og får innsikt i bruk av moderne, digitalt produksjonsutstyr.

• Her er nokre smakebitar på elevproduksjonar.

Som medieelev får du utvikla evnene dine til samarbeid, sjølvstendig arbeid, fleksibilitet og originalitet. Evne til analyse og reflektert tenkning er eigenskapar som blir stimulerte gjennom skulegangen og som samtidig er nøkkelkompetanse på arbeidsmarknaden.

Varierte arbeidsformer og kompetente lærarar legg til rette for trivsel og mediefagleg utvikling. Høg kvalitet på utstyr, programvare og samarbeid med lokalt næringsliv gjer at du får mange kjekke utfordringar.

På VG1 og VG2 Medier og kommunikasjon gir prosjekt til fordjuping høve til fagleg spesialisering. Skulen legg opp til at du både skal læra å arbeida innanfor mange mediefag samtidig som du får sjansen til å fordjupa deg innan eigne interessefelt.

Dersom målet ditt er generell studiekompetanse, kan du etter dei to første åra velgja VG3 Medier og kommunikasjon ved Time vidaregåande. Det gjer dei aller fleste. Alternativet er eit påbyggingsår med fellesfag. Begge alternativa kvalifiserer til å studera ved høgskule eller universitet.

Dersom målet ditt er yrkeskompetanse, kan du etter VG1, VG2 eller VG3 søkja læreplass innan Mediedesignfaget, Mediegrafikarfaget eller Fotograffaget. (Det vanlege er å gå ut i lære etter VG2 eller VG3). Etter to år som lærling, kan du gå opp til fag- eller svenneprøven og bli fagarbeidar

VG2-elevar kan også søkje seg vidare på VG3 Mediegrafikarfaget eller VG3 Fotograffaget ved andre skular. Meir info om dette på vilbli.no.

Les meir om medier og kommunikasjon på: