Teknikk og industriell produksjon (TIP)

Har du praktisk sans og godt håndlag? Har du interesse av å arbeide med teknologisk utstyr i jobben din? Då er programområdet TIP noko for deg.

Ved å velgja TIP kan du få arbeid i store og små industribedrifter, i verkstader for alle typar kjøretøy og anleggsmaskinar, på skip og installasjonar for produksjon av olje og gass, i laboratorier og i kjemisk prosessproduksjon.

Utvalet av bransjar er stort og jobbane mange, spesielt i vårt distrikt. Time vidaregåande skole har eit tett samarbeid med næringslivet på Jæren når det gjeld utplassering, praksis og lærlingeplassar. Bedrifter frå Nord-Jæren og Egersund søkjer også lærlingar frå Time vidaregåande.

Vg1 Teknikk og industriell produksjon er inngangsporten til ei lang rekkje fagområde. Dette første året får du fordjupa deg i fag som er aktuelle å satsa på vidare i utdanningsløpet.

Fullført VG1 TIP gir deg sjansen til vidare utdanning innan yrke som for eksempel sveisar, anleggsmaskinmekanikar, CNC-operatør, bilmekanikar og industrimekanikar.

Dei fleste utdanningsløpa er lagt opp med to års opplæring i skule og to års læretid, mens andre gir ei ferdig utdanning etter tre år i skule.

Med utdanning innan TIP-fag kan du også ta påbyggingskurs i fellesfag og oppnå generell studiekompetanse. TIP-fag kan altså vera starten på ei utdanning på høgskule eller universitet.

Les meir om teknikk og industriell produksjon på: