Ny skule
utsett til 2016

Det kjem ikkje nokon ny vidaregåande skule på denne tomta før i 2016. Fleirtalet i fylkestinget vedtok tirsdag kveld å utsetja skuleprosjektet.

Etter ein svært lang og til tider heftig debatt valde fleirtalspartia i fylket å gå frå avtalen dei gjorde med Time kommune i fjor om ny vidaregåande skule på Bryne i 2014. Dei vedtok samstundes å reforhandla avtalen.

Sjølv om ordførar Arnfinn Vigrestad i Time på førehand truga med rettsak om fylkespolitikarane gjorde dette vedtaket, tyder alt på at utsetjinga er endeleg.

– Har ikkje fylket tenkt å gi oss noko att når de kjem og vil reforhandla, kan denne saka enda i retten. Men sjølv då kan ingen tvingja dei til å byggja skulen til 2014, medgir ein svært skuffa ordførar.

– Det er heilt utruleg at dei utan vidare berre forlet avtalen som dei gjorde med oss, seier Vigrestad.

Rektor Jan Ole Rød er óg skuffa over vedtaket.

– Det var en viss sjanse for at fylkestinget kunne stansa forslaget om å utsetja den nye skulen. Det er beklagelig at dette ikkje skjedde.

– Når det er sagt, lar me oss ikkje vippa av pinnen her på Time. Me skal fortseja å halda fokus på å driva ein god vidaregående skule for ungdommane i regionen. Så får me sjå kva utsetjinga betyr for oss etter kvart, seier rektor.

Av Ståle Madland Schjelderup